Mogadishu ,11, September 2007 (HornAfrik Media)

Ilaa 6 qof ayaa ku geeriyooday inta la ogsoonyahay sideed kalena waa ay ku dhaawacmeen dagaal labo beelood ku dhexmaray deegaanka ceel dheer oo katirsan gobolka sh/dhexe.

Dagaalkaan ayaa waxaa la sheegay in uu ahaa mid xoog badanaa islamarkaana ay maleeshiyo badani ka qaybagashay.

Dadka ku dhaawacmay dagaalkaan ayaa waxaa loo kala qaaday magaalooyinka B/wayne iyo Jowhar iyo balad wayne oo si halkaasi loogu soo daaweeyo.

Afar ka mid ah dadka ku dhaawacmay dagaalkaan oo shalay gabal dhcii ka dhacay deegaanka garaska xaarane ayaa la geeyay maanta isbitaalka degmada Jowhar ee gobolka sh/dhexe.

Isbitaalka Magaalada Jowhar oo mudooyinkii ugu dambeeyay aan la gayn wax dhaawacyo ayaa u muuqda mid mashquul ah.

Afartaan ruux e dhaawacantay oo mid kood ay tahay haweenay ayaa labo ka mid ah ay yihiin kuwa dhaawacoodu uu yahay mid halis ah dhaqaatiirta ayaa ku howlan sidii dhaawacyadaasi ay ula tacaali lahaayeen.

Ilaa iminka lama sheegin sababta keentay dagaaladaasi ka soo cusboonaaday deegaano katirsan sh/dhexe.