Shirwayneha ka socda Magaalada Asmara ee dalka Ereteria oo maalinimada Barri ah la soo gaban gabaynayo,iyadoo ay ka qeyb galeen salaadiin ka socota Puntland.

Mogadishu ,11, September 2007 (HornAfrik Media)

Shirwayneha ka socda Magaalada Asmara ee dalka Ereteria ayaa ku dhaw gabangabo,iyadoo ay shalay ay warbixino ka jeediyeen xubno cusub oo ku biiray kulankaasi.

Shirka ka soconaya Magaalada Asmara ee dalka Eretreia oo ay ka qeybgalayaan golihii Maxaakiimta islaamiga,baarlamaanka xorta ah ,siyaasiin, aqoonyahano soomaaliyeed oo ka yimid dalka gudihiisa iyo dibadiisa diblamaasiyiin ayaa waxaa shalay ilaa xalay ku biiriyay xubno ka mid ah qeybaha kala duwan ee Bulshada soomaaliyeed.

Waxaa ku biiray shirkaasi Ugaasyo, malaaqyo,Jaaliyado, iyo salaadiin ka timid deegaanka Puntland iyo xubno kale oo ajini ah sida uu sheegay Imaam sheikh Bashiir IMaam Maxamuud Imaam (dhoolayare) isagoo intaasina raaciyay in xubnahaasina ay ka jeediyeen Madasha shirka hadalo kale duwan.

Waxgaradka ka socday Puntland ee shirkaasi ka hadlay islamarkaana ka warbixiyay xaalada dalka soomaaliya gaar ahaan Magaalada Muqdisho waxaa ka mid ah suldaan saciid cartan oo ah salaadiinta ragga ugu waawayn Maamulka Puntland.

Shirwaynahaasi ka soconaya Magaalada asmara ee dalka ereteria ayaa hadana dowladda Itoobiya waxaa ay sheegtay in ragga kusugan Magaalada asmara ay yihiin kooxo argagixiso ah.

Imaam sheikh Bashiir Imaam Maxamuud oo wax laga waydiiyay eedeyntaasi ka timid dhinaca Itoobiya ayaa waxaa uu sheegay in tani ay tahay mid itoobiya ay doonayso in ay ku xalaalaysato xooga ay ku haysato dalka soomaaliya sida uu hadalka u dhigay imaamku.

Shirkaasi ka soconaya Magaalada asmara ee dalka ereteria ayaa waxaa uu yahay mid gaban gabo ku dhaw,iyadoo maalinimadii barri ah lagu wado in la soo af meero shirka islamarkaana uu ka soo baxo isbahysi ay ku midaysanyihiin kooxaha kala duwan ee soomaalida kuwaas oo diidan gabi ahaanba joogitaanka Ciidamada itoobiya ee Soomaaliya.