Ciidamada dowladda oo dad ka watay maanta degmada wardhiiley ee Magaalada Muqdisho.

Mogadishu ,10, September 2007 (HornAfrik Media)

Ciidamo katirsan dowladda KMG ah ee soomaaliya oo maanta howlgalo ka sameeyay qeybo ka mid ah degmada wardhiiglay ee Magaalada Muqdisho ayaa halkaasi ka ka xaystay qaar ka mid ah dadka deegaankaasu ku nool oo uu ka mid ah Imaamka masjid halkaasi kuyiilay.

Ciidamada dowladda fadaraalka soomaaliya oo maanta howlgalo ka sameeyay qeybo ka mid ah degmada wardhiiglay ayaa halkaasi ka watay dad gaaraya ilaa sadax ruux oo uu ka mid ah yahay imaamka masjid kuyaala deegaankaasi.

Lama oga sababta ay ku ka xaysteen Ciidamadaani dadkaasi rayid ah in kastoo ay hoobiyaal halkaasi ku soo dhaceen xalay taasoo ay sheegeen Ciidamda dowlada in ay tuhun ahaan u qabteen dadkaasi.

Ciidamadaan ayaa maanta xir xiray aaga xarunta xerta shekh Aden dheere oo ay baaritaanada ka wadeen iyadoo ku dhawaag hal saac dadka deegaanka ay sheegeen in ay kujireen qalqal xoogan.