Dilal kala duwan oo 24 saac ee la soo dhaafay ka dhacay Magaalada Muqdisho.

Mogadishu ,10, September 2007 (HornAfrik Media)

Dilalka kala duwan ee loo gaysanayo dadka rayidka ah 24 saac ee la soo dhaafay ayaa kii ugu dambeeyay waxaa uu ka dhacay agagaarka suuqa cirtoogte ee Magaalada Muqdisho.

Dilalkaan oo kale dhacay xalay ilaa maanta ayaa lagu kala fuliyay ilaa dhowr  qof oo kala duwan maanta kii ugu dambeeyay dilalkaasi waxaa uu ka dhacay agagaarka Bosteejada Baardheere ee u dhaw suuqa cirtoogte ee Magaalada muqdisho.

Ninkaan la dilay ayaa waxaa lagu magacaabi jiray Cabdi Biin islamarkaana waxaa uu ka mid ahaa dadka ku dhaqan deegaanka raadeelka

Gabar meherad ganacsi ku haysata halka ninkaani lagu dilay ayaa Hornafrik uga warbixisay qaabka ay wax u dhaceen.

Ninkaan waxaa dilay rag sida la sheegay rag bastoolado  ku hubaysan oo tiradoodu ay gaarayso ilaa 2 ruux.

Marka laga soo tago ninkaas maanta lagu dilay suuqa cirtoogtaha ayaa sidoo kale waxaa jirtay in xalay ilaa saaka lagu kala dilay Magaalada Muqdisho dad kale  kuwaas oo labo ka mid ah lagu dilay xaafada Gubta halka mid kalena lagu dilay xaafada xamarjadiid ee degmada wardhiilay.

Maalmihii ugu dambeeyay ayaa magaalada muqdisho waxaa ku soo badanayay dilalka qorshayn ee loo gaysanayo dadka rayid ah ee aan waxba galabsan iyo kuwa aan la ogayn markaasi waxa ay sababsadeen.