Ray’sal wasaare Geeddi oo dib ugu soo laabtay Magaalada Muqdisho.

Mogadishu ,10, September 2007 (HornAfrik Media)

Ray'sal wasaaraha dowladda KMG ah ee soomaaliya Cali Maxamed Geeddi iyo wefdi uu hogaaminayo ayaa dib ugu soo laabtay magaalada Muqdisho kadib markii dalka Jabuuti ay kulamo kula soo qaateen ganacsato uu ka mid yahay abuukar Cumar cadaan iyo Mas’uuliyiin katirsan dalkaasi.

Raysal wasaare Geedi ayaa intii uu kusugnaa Magaalada Jabuuti ee dalka Jabuuti waxaa uu kulamo goono gooni ah la yeeshay Mas’uuliyiin katirsan dowladda dalka Jabuuti iyo waliba ganacsato soomaali ah kuwaas oo la sheegay in uu ka mid ahaa xaaji abuukar cumar cadaan oo ka mid ahaa Mas’uuliyiintii Maxaakiimta islaamiga.

Rage kale uu la kulmay Raysal wasaare intii uu joogay dalka Jabuuti ayaa waxaa ka mid ah ganacsade eenow iyo waliba Bashiir raage oo ka mid ahaa ururkii la baxay la dagaalanka argagixisada kuwaas oo meesha ay ka saareen golihii maxaakiimta islaamiga

Mas’uuliyiintaan oo iyagu ah dhamaantood kuwa ka soo jeeda halbeel ayaan la ogayn wax yaabaha rasmiga ah ee ay ka wada hadleen inkastoo afhayeenka Xaafiiska Raysal wasaaraha C/laahi Muxudiin uu sheegay in kulamadaasi ay ahaayeen kuwa guul laga gaaray sida hadalka uu u dhigay.