Suuqa wayn ee Bakaaraha ayaa waxaa uu baryahaan kujiray jahaweer kaasoo ka dhashay kadib markii ay soo buux dhaafiyeen suuqaasi Ciidamo fara basdan oo katirsan dowladda KMG ah ee soomaaliya.

Waxaa maanta duhurnimadii la arkayay goobaha ganacsiga suuqa oo si habsami leh loo furayay iyadoo ganacsataduna ay muujinayeen dareen xoogan.

Isku socodka gaadiidka iyo dadka ayaa waxaa la arkayay iyaga oo so caadi ah u dhex mushaaxaya wadooyinka soo gala suuqa waxaana la dhihi karaan gabi ahaanba maanta waa uu ka xasiloonaa suuqa Bakaaraha sidii uu ahaa sadaxdii maalin ee ugu dambaysay.

Dad aad u fara badan ayaa dhibaatooyin ay kala soo gudboonaatay intii uu xirnaa suuqa bakaaraha ee Magaalada Muqdisho iyadoo xiligaan ay maalmo uun ka harsanyihiin bisha barakaysan ee ramadaan.