hareeraha suuqa Bakaaraha oo Ciidamo fara badan la soo dhoobay saaka.

Mogadishu ,06, September 2007 (HornAfrik Media)

dhaqdhaqaaq Ciidan oo xoogan ayaa saaka kajira suuqa wayn ee Bakaaraha ee Magaalada Muqdisho halkaasoo wadooyinka ay ku teedsanyihiin Ciidamo katirsan dowladda KMG ah.

Iyadoo maalinimadii shalay suuqa Bakaaraha y ku dhinteen  6 qofood oo rayid ah iyo waliba labo kale oo dhaawac ugu geeriyooday isbitaalka ayaa hadana saaka waxaa hareeraha suuqaasi la soo dhoobay Ciidamo aad u fara badan oo katirsan dowladda KMG ah ee soomaaliya.

Suuqa oo saaka ku waabariistay rasaas goos goos ah ayaa waxaa gabi ahaanba xiran howlihii dhaqdhaqaaqa ganacsiga suuqa Bakaaraha oo halbowlle u ah nolosha dad shacabka ee ku dhaqan Magaalada Muqdisho.

Waxaa dadka ka ag dhaw agagaaraha suuqa ay sheegayaan in Ciidamada dowladda ay dadka iyo gaadiidka u diidayaan wadooyinka ka baxa suuqa iyo kuwa soo galaba.

Daganaashiyo la'aanta Bakaaro ayaa timid ka dib markii ay gudaha u soo galaan askarta ka tirsan ciidamada dowlada KMG ah ee Soomaaliya kuwaasi oo sida ay sheegeen ugaarsanaya waxa ay ugu yeereen " shaqsiyaad baxsad" ah oo cilaaqaad la leh kooxaha ka soo  dowlad federaalka iyo joogitaanka ciidamada Itoobiya. 

Waxaa sidoo kale ay sheegayaan dadka goojoogayaasha ah in Ciidamada dowladda KMG ah ay dadka dhac u gaysanayaan iyagoo ka qaadanaya Moobeelada iyo lacagaha ay markaasi gacanta ku dhigaan waxaana dadka qaar kood ay muujiyeen sida ay uga xunyihiin in sidii burcadii ay Ciidamada dowladda dad ula dhaqmaan iyadoo taana ay iska fogeeyeen saraakiisha ciidamada howlgalada wada.

Inkastoo haatan xaalada suuqa bakaaro ay dagan tahay marka loo eego sidii ay shalay ahayd ayaa hadana weli waxaa laga maqlayaa wadooyinka soo gala suuqa dhawaqa rasaas teelteel ah oo ay ridayaan ciidamada dowlada KMG ah.