Dadkii lahaa guryaha iyo dhismayaasha ay ciidamada itoobiyaanka ka guureen ee Degmada guraceel ayaa bilaabay in dib u daganaa guryahooda ayna bilaabaan meelaha qaar dhismayaasha guryo cusub kadib markii ay baabiyeen guryahooda ciidamada itoobiyaanka oo muddo 6 bilood ah halkaasi fariisin ka dhigtay.

goobo caafimaad oo uu lahaa urur lagu magacaabo Saahid oo ka howlgala deegaano katirsan gobolka g/gaduud iyo xarun kale oo uu ka soconayay dhisme ka hor intii aysan degan ciidamada itoobiya ayaa haatan dhismayaashooda dib loo bilaabay.

ilaa 50 guri oo dad rayid ah leeyihiin ayaa ciidamada itoobiyaanka la sheegay in ay degaan islamarkaana ay ka barakiciyeen dadkii rayidka ahaa ee lahaa xaafadahaasi.

saaka ayaa dadka guraceel qaar kood bilaabeen in ay aruuriyaan waxyaabo ciidamada itoobiya halkaasi kaga tageen,iyadoo dhismayaalna halkaasi la filayo in laga dhisgto in kastoo laga yaabo in ciidamada itoobiya halkaasi dib ugu soo laabtaan,

ciidamada itoobiyaanka ayaa la sheegay in ay burbiriyeen guryo cooshado ka sameysan oo halkaasi ku yaala ka hor inta aysan bixin.

habeen hore sideedii saac saqda dhexe ayay ahayd markii ciidamada itoobiyaanka ay ka baxeen magaalada guraceel kuwaas oo la ogayn sababta ka dambeysay bixitaankooda waxaana ay wateen dad katirsan deegaankaasi kuwaas oo aan la sheegi karin sababta keentay.