Afhayeenka gobolka banadir oo saaka qarax miino ku dhaawacmey.

(Mogadishu, December 29, 2007 HornAfrik Media)

afhayeenkii Maamulka banadir Maxamed Muxudiin ayaa saaka lala beegsaday gaari uu saarnaa qarax miino ,iyadoo afhayeenku uu ugu geeriyooday isbitaalka Keydsaney ee Magaalada Muqdisho dhaawac soo gaaray

saaka abaare 8:30am ayaa qarax xoogan waxaa uu ka dhacay meel aan sidaasi uga fogeyn meel geerish ah oo ku taala  degmada gaaraan ee magaalada Muqdissho,iyadoo la sheegayo in qaraxaasi lala eegtay gaari uu saarnaa afhayeenka maamulka gobolka banadir maxamed muxudiin.

qaraxaan oo ahaa miinada dhulka la galiyo islamarkaana gacanta laga hago ayaa la xaqiijiyay in uu haleelay gaariga uu saarnaa afhayeenka maamulka gobolka banadir markaas oo dhaawac halis ah uu soo gaaray afhayeenka waxaana durba loola cararey isbitaalka keydsaneyn ee magaalada muqdisho.

afhayeenka ayaa dhaawac soo gaaray ugu geeriyooday isbitaalka keydsaney daqiiqado yar uun ka dib.

waxaa lagu aasay maanta afhayeenkii maamulka gobolka banadir abuuraha sheekh cali cabdule ee degmada  ee magaalada muqdisho.

guddoomiyaha degmada kaaraan ayaa sheegay in qof ay uga shakinayaa falkaan dilka ah  ay gacanta ku dhigeen.

wali wax faah faahin kama soo bixi maamulka gobolka banadir iyadoo saacadaha soo socda lagu wado in la aaso meydka afhayeenkii maamulka gobolka banadir Alle ha u naxariistee Maxamed Muxudiin.