4 qof oo uu ka mid yahay korneyl katirsanaa Ciidanka dowladda hoose oo maanta lagu dilay Magaalada Muqdisho.

Mogadishu ,30, September 2007 (HornAfrik Media)

4 qof oo uu ka mid yahay korneyl katirsanaa Ciidanka dowladda hoose ayaa maanta siyaabo kala duwan loogu dilay suuqyada Bakaaraha iyo suuq Bacaad ee Magaalada Muqdisho.

Afartaan ruux ee lagu dilay maanta Magaalada Muqdihso ayaa waxaa mid kood ahaa sargaal katirsan Ciidanka dowladda Hoose ee Gobolka banaadir kaasoo lagu magacaabi jiray ALLE ha u naxariistee korneyl cabdi Xaaji Axmed (dhagabalac)

Sargaalkaan ayaa kooxo hubaysan waxaa ay maanta ku dileen gudaha suuq bacaad.

Dilkaasi ka dib ayaa waxaa goobtaasi soo gaaray ciidamo katirsan dowladda KMG ah ee Soomaaliya.

Sidoo kale sadax ruux oo rayid ah ayaa maanta  waxaa lagu dilay suuqa Bakaaraha ee Magaalada Muqdisho.

Falalka dilalka ah ee qorshaysan ayaa muddooyinkaan dambe waxaa ay ku soo bateen caasimada Muqdisho,iyadoo aysan cadayn cida sida ramsiga ah u gaysanaysa.

Dhinaca kale hal qof ayaa ku dhaawacmay miino dhulka lagu aasay oo iskeed isaga qaraxday taasoo ka dhacday deegaanka suuqa xoolaha ee degmada Hiliwaa ee Magaalada Muqdisho.