Somalida ku nool wadanka Eritrea oo Maalintii 2aad ku jirta damaashaadka Ciiidul Atxaa.

(Mogadishu, December 20, 2007 HornAfrik Media)

Somalida ku nool wadankan Eritrea ayaa maalintii 2aad waxa ay ku jiraan u dabaal dagidda munaasabada Ciidul Atxaa gaar ahaan magaalooyinka Asmara , Musawac iyo Asab waxana mar aan socod kusoo maray shalay iyo maanta aan kusoo maray qaar ka tirsan wadooyinka waa weeyn ee Caasimadan Asmara aan ku arkay somali badan oo isugu jira rag,Dumar iyo Caruur oo ka qeyb qaadanaya Farxadda ciidda.

Qaar ka tirsan dadkan oo aan la kulmay ayaa waxa ay ii sheegeen in sanadkasta sidan oo kale ay uga qeyb qaataan munaasabadaha Ciida .

Muslimiinta ku nool wadankan ayaa salaadii Ciidda waxa shalay ay ku dukadeen fagaaraha weyn ee Staduimka waxana ammaanka si weyn u ilaalinayey Ciidamada biliiska ee wadankan kuwaasoo xitaa joojiyey isu socodka gaadiidka gaar ahaan wadooyinka u dhaw Stadiumka . waxana sidoo kale jiray gudiyo Culumaa,udiin ah oo dadka agaasimayey .

hadaba markii salaadda aanu dukanay ayaa imaamkii waxa uu fagaaraha ka aqrieyey qudbad aan qiimo u laheyd oo uu kaga hadlalyey fadliga Ciidul atxaa, iyo dhibaatooyinka haysta Umadda Islaamka,gaar ahaan Falistiin iyo Somalia.

Mar uu ka hadlayey arimaha Somalia ayaa imaamku waxa uu sheegay in Umadda Soomaaliyeed mudda dhoowr sano ah ay dhibaatooyin ku jirtay waxana uu Alle uga baryey in uu nabad ku soo dabaalo.

Somalida ku nool wadankan Eritrea ayaa si weyn loo qadariyaa waxana xitaa marka aad raacdid basaska waa weyn looga kacaa kuraasta iyagoo markaana kuu sheegayo in ay aad uga xun yihiin dagaalada ka soconaya magaalada Muqdisha.

Dhinaca kale magaalada Musawac oo ka mid ah magaalooyinka ugu weyn wadankan ayaa waxa ku sugan in kabadan 2kun oo qaxooti Somaliyeed ah kuwaasoo qaarkood joogay in kabadan 14sano.

Qaxootigan ayaa waxa ay horay uga soo barakaceen magaalooyinka Muqdisha iyo qeybo ka mid ah gobolada Jubooyinka, waxana meesha ku haya hay,ada Qaramada midoow u qaabilsan qaxootiga UNHCR.

Magaalada Musawac ayaa sidoo kale hooy waxa ay u tahay boqolaal Soomaali ah oo ka yimid magaalooyinka Muqdisha Burca iyo Boorame kuwaasoo si tahriib ah ku yimaada isla markaana uga sii gudba wadanka Suudaan .

Qaar ka tirsan dadka tahriibaya oo aan la kulmay ayaa waxa ay sheegeen in magaalada Musawac lug ay uga baxayaan iyaga oo qaadaya wadad xeebta ah waxana ay soconayaan illaa 12maalmood waaba hadii ay ka bad baadaan Ciidanka Ilaalada xadka Eritrea,.waxana dhacda dad badan oo dib loogu soo celiyey magaalada Musawac iyaga oo xadka Suudaan u sii gudbayo.