Dagaal u dhaxeeya guddoomiyaal gobolka sh/dhexe ka howlgala.

(Mogadishu, December 3, 2007 HornAfrik Media)

Dagaal u dhexeeya ciidamo kala taabacsan labada guddoomiye ku xigeen ee mamulka gobolka sh.dhexe Xuseeen Xasan Maxamuud (xuseen dheere) iyo Axmed Cumar Jaandhay ayaa saaka ka qarxay magaalada Jowhar.

Dagaalkan oo saaka waabargii bilowday ayaa ciidamo ka tirsan maamulka gobolka sh.dhexe weerar ku qaadeen guriga uu degen yahay guddoomiye kuxigeenka gobolka sh.dhexe xuseen dheere waxaana dagaalkaasi oo bilowday 5tii subaxnimo uu yahay mid soo gaaray ilaa 7da aroornimo.

Dagalkan ayaa la rumeysan yahay inuu geystey qasaare isugu jira dhimasho iyo dhaawac. Lamana oga ilaa iyo hadda tirada saxda ah ee ku waxyeelowday dagaalkan hase yeeshee warar ayaa sheegaya in ilaa iyo saddex askari oo labada dhinac ah ay ku dhinteen dagaalkan inkstoo wararkaasi aan la xaqiijin. Illaa iyo hadda lama oga xaalada guddoomiye ku xigeenka koowaad ee gobolka sh.dhexe Xuseen dheere oo isaga xaruntiisu ay dagaaladau ka socdaan.

Dadweyne faro badan ayaa ka cararay guryaha u dhow halka uu dagaalku ka bilowday,lamana oga ilaa iyo hadda dad rayid ah oo wax ku noqday.

Dagaalkan ayaa salka ku haya dhac ay geysteen ciidamo ka tirsan maamulka gobolka sh/dhexe iyadoo ciidamadaasina ay boobeen lacag gaareysa 25malyan oo shillin soomali ah oo ah lacago canshuuro ah.waxaana la sheegay in ciidamadan boobay lacagtan ay ku jiraan xarunta guddoomiye kuxigeenka maamulka gobolka sh.dhexe Xuseen dheere.