qarax xoogan oo saaka ka dhacay Magaalada Baydhabo

(Mogadishu, December 15, 2007 HornAfrik Media)

Kolonyo gaadiid ay wateen ciidamo itoobiyaan ayaa saaka abaare 8:30(Am) waxaa qarax lagula beegsay bartamaha Magaalada Baydhabo ee xarunta gobolka Baay.

Qaraxaan ayaa dad goobjogayaal ahi waxaa ay sheegeen in ay ahayd miinada dhulka la galiyo islamarkaana la hago.

Lama oga qasaaraha ka soo gaaray ciidamada itoobiyaanka qaraxaaasi,balse wararka qaar ayaa sheegaya in ay jiraan qasaare dhimasho iyo dhaawac leh oo gaaray dad rayid ah oo ka agdhawaa goobta qaraxaasi ka dhacay.

Rasaas fara badan oo ay fureen ciidamada itoobiyaanka ee la qarxiyay ayaa waxaa dhaawacyo iyo dhimasho sidoo kale ay ka soo gaartay dad rayid ah.

Ciidamada itoobiyaan ayaa waxaa ay baaris xoogan ka sameeyeen halka qaraxa uu ka dhacay ee Magaalada Baydhabo waxaana ay qabqabteen tiro dad ah.

Maalmihii ugu dambeeyay Magaalada Baydhabo ee xarunta gobolka Baay waxaa ku soo badanayay dilalka iyo qaraxyada lala beegsanayo ciidamada itoobiyaanka iyo xubnaha kala duwan ee dowladda KMg ah ee Somalia.