Maxamed Ibraahim Xaabsade oo ah wasiirka gaadiidka cirka iyo dhulka oo wareysi siinayay Idaacada iyo Tv-ga HornAfrik ayaa waxaa uu sheegay in dilalka qorshaynsan ee ka dhaca Magaalada Baydhabo ee xarunta gobolka Baay ay yihiin kuwa u jeedadoodu tahay aar goosi qabiil.

"Saraakiisha ciidamada lagu dilay Baydhabo waxaa ka dambeeyay dad aar goosi qabiil wada",  ayuu yiri Xaabsade waxaana uu ka gaabsaday in cida rasmiyan ka dambaysa uu haatan ka gaabsanayo in uu daboolka qaado.

Waxaa uu intaasi ku daray wasiirku in kooxaha ka soo horjeeda dowladda KMg ah aysan wax dil ah ka gaysan Magaalada Baydhaba gudaheeda.

Lama xaqiijin karo tuhunka wasiirka ee ah in dilalka Baydhabo ka dhaca ay ka dambayso beesha uusan magacaaabin.