3 carruur ah oo ku dhaawacmey bam kula qarxay gudaha xarunta Gobolka Sh/dhexe.

Mogadishu ,13, September 2007 (HornAfrik Media)

Saddex carruur ah ayaa ku dhaawacantay saaka kadib markii uu bam kula qaraxay garroon ay ku ciyaarayeen oo kuyaala degmada Jowhar ee Gobolka sh/dhexe.

Carruurtan ayaa dhaawacyada soo gaaray waxa ay ahaayeen kuwo fudfudud hase ahaatee dhamaantood waxaa la geeyey isbitaalka degmada jowhar. Carruurtan oo da’adoodu ka yareyd Labo ka mid ah carruurtaan ayaa laga bixiyey isbitaalka kadib markii la xaqiijiyey in dhaawacyadoodu ay aad u fududaayeen.

Qaraxa bamkan oo aan weli la cadeyn nooca uu yahay ayaa carruur ciyaar kubada cagta ah ahayd ku dheelaysay meel u dhow suuqa ugu weyn ee magaalada  Jowhar waxaana durba halka qaraxa uu ka dhacay tegey qaar kamid ah cidamada boolsika demada Jowhar.

Qaraxa bamkan oo aan meelo badan aan laga maqlin ayaa welwel badan ku abuuray waalidiin faro badan oo carruurtooda maanta maalintii labaad ku ciideysey magaalada Jowhar waxaana uu noqday saacado kooban isbtiaalka magaalada jowhar meel aad  u mashquulsan kadib  markii dadweyne faro badani ay gaareen isbitaalka si ay u soo eegaan carruurta bamka ku qarxay inay ilmahooda ku jiraan iyo inkale.

Cali Abuukar oo 15 jir ah kana mid ahaa carruurta bamkan ku dhaawacmay ayaa hornafrik ugaga waramay sida uu u dhacay bamkan. Cod.

Dr C.hi Cali Culusow oo ka mid ah taqaatiirta ka howlgasha isbitaalka degmada Jowhar ayaa hornafrik ugaga waramay xaalada carruurta qaraxan ku dhaawacantay cod.

Kadib markii magaalada Jowhar laga dareemay qaraxan ayaa shir jaraa;id oo degdega ah waxaa qabtay guddoomiye ku xigeenka gobolka sh/dhexe Xuseen Xasan Maxamuud (Xuseen Dheere), waxana uu gudoomiye ku xigeenku sheegay in qaraxa bamkan  uusan ahayn  mid siyaasad ka dambaysa  ama mid la soo tuuray   uuna maamulka gobolka sh/dhexe   bilaabay howlgalo baaritaan  ay ku sameynayaan in ay jiraan bamam meelaha looga tagay xilliyadii ay dagaaladu ka dhacayeen gobolka sh/dhexe.

Illaa iyo hadda ma jiro ilo madax banaan oo cadeeya bamkan inuu ahaa mid meesha lagu aasay iyo inkale.

Guddoomiye ku xigeenka gobolka sh/dhexe xuseen xasan Maxamuud (x.dheere) waxa uu ugu baaqay hayadaha qaramada midoobay inay gacan ka siiso maamulka gobolka sidii uu uga  sifeyn lahaa waxyaalaha qarxa ee weli ku sii haray meelo ka mid ah gobolka sh/dhexe.

 Dhamaadkii sanadkii hore ayaa bam kula qarxay duleeka magaalda jowhar iyadoo bamkaasina uu ku geeriyoday wiil 14 jir ah saddex xubnood oo kamid ah qoyskooduna ay ku dhaawacmeen.

Maxamed Abuukar Caseyr"Jowhar.