Qeybo ka mid ah wadooyinka deegaanka suuqa xoolaha ee degmada Hiliwaa ee Magaalada Muqdisho ayaa maanta lagu arkayay dad fara badan oo banaanbaxaya oo gubaya taayeero kuwaas oo ka soo horjeeda joogitaanka Ciidamada itoobiya..

Banaanbaxaan ayaa waxaa ay dadku ku diidanaayeen howlgalada Ciidamada itoobiyaanka ay ka sameeyaan deegaanka suuqa xoolaha kaasoo ay sheegeen in dhibaato ay ka soo gaarto dadka rayid ah ee aan waxba galabsan.

Sidoo kale waxaa Ciidamada itoobiyaanka ayaa shalay halkaasi ka sameeyeen howlgalo kuwaas oo hakad galiyay howlihii ganacsiga.

dadkaan banaanbaxyaan oo aad u caraysnaa ayaa waxaa ay socod dheere ku mareen dhamaan wadooyinka suuqa xoolaha iyo deegaanka SOS waxaana ay dab qabadsiiyeen calanka dowladda itoobiya.

Sidoo kale banaanbaxaan ayaa waxaa ka qeyb qaadanaya haween carruur iyo waliba ardeyda dugsiyada quraanka iyo iskuulaadka kale.