Maxaakiimta oo markale xalay bandow ku soo rogay Jowhar.  

(Muqdisho,Talaado,22,Julaay,2008,(Hornafrik Media) Saraakiisha ciidamada Midowga Maxkamadaha Islaamka ee haatan ka taliya gobolkaasi Sh/dhexe ayaa xalay markale habeenkii labaad xaalad bandow ah oo aan waqtigiisu cayimneyn ku soo rogay xarunta gobolka ee Jowhar. 

Maxkamadaha ayaa ku doodaya in bandowgaasi ay uga gol lee yihiin sii adkeynta amaanka guud ee magaaladaasi.  

Mas’uuliyiinta Maxaakiimta ee iminka ku sugan gudaha gobolkaasi ayaa ku waramaya in ay bandowgaasi soo rogeen ka gadaal markii habeenadaani dambe ay soo kordheen falal amni daro kii abad ugu xumaa oo soo mara Jowhar.  

Bandowgaasi ayaa la soo sheegayaa in xalay markale uu ka dhaqan galay degmada, iyadoo halkaasina lagu arkayo oo kaliya ciidamada Midowga Maxaakiimta oo fulinaya howl-galo roondooyin dhinaca lugta ah oo si weyn looga dareemay xarunta gobolkaasi. 

Dhinaca kale duqowda dhaqanka gobolka Sh/dhexe ayaa maanta markii ugu horeysay ku baxay colaad dib uga soo cusboonaatay deegaamo hoos yimaada gobolkaasi.