Iska horimaad xoogan oo ka dhacay qaybo dhowr ah oo ka mida wadada dheer ee Sodonka.

(Mogadishu, Thursday ,6 March 2008,(Hornafrik Media)Dagaalkaasi oo aad diryaankiisu u cuslaa ayaa caawo maqribnimadii hore ka dhacay qeybo ka mid ah jidkaasi Sodonka ee magaaladatani  Muqdisho kaasi oo sida la sheegayo dhexmaray dagaal yahano hubeysan oo ka tirsan xoogaga xiliga habeenkiiya u soo weerartaga fariisimada ciidamada Itoobiyaanka iyo kuwa dowlada ay ku sugan yihiin. 

Weerarkaasi oo la isku adeegsaday hubka nuucyadiisa kala duwan ayaa soo muddo dhowr daqiiqa ahayd. 

Dagaalka caawo ayaa dhexmaray askarta ciidamada militaarka Itoobiyaanka oo taageeraya ciidamada dowlada KMG ah ee Somalia  ee saldhigyada dhawaanahaani ka sameystay wadadaasi iyo xoogaga hubeysan ee ka soo horjeeda joogitaanka Itoobiya iyo hanaanka siyaasadeed ee dowlada federaalka ay ku hageyso wadankani Somalia. 

Ilaa iyo iminkana lama oga qasaaraha rasmiyan ka dhashay dagaalkaasi, balse waxaa jira tiro madaafiic ahayd oo ku duldegay  qaybo ka mida xaafadaha magaaladatani Muqdisho. 

Weerarkaasi ayaana qayb ka ah weerarada sii labo lixaadsanaya ee looga soo horjeedo ciidamada isxulafeysanaya.