Odoyaasha dhaqanka Baladweyne oo jawaab ka bixiyay waraaqo loogu digay.

(Muqdisho,Arbaco,23,Julaay,2008,(Hornafrik Media)

Odoyaasha dhaqanka Magaalada Baladweyne ee gobolka Hiiraan ayaa kulan maanta ka yeeshay waraaqo digniino ah oo iyaga quseeya kuwaas oo loogu sheegay inay isaga haraan kulamada ay la yeeshaan Ciidamada Itoobiya ee saldhiga ku leh deegaanka Jante-kundhisho.

Goobo mucayin ah oo bulshadu isagu yimaadaan ayaa xalay lagu daadiyay waraaqo digniino ah oo loogu sheegay Odoyaasha dhaqanka degmadaasi inay ka haraan kulamada ay la yeeshaan Ciidamada Itoobiya ee kusugan duleedka Magaalada Baladweyne 

Sheekh Yuusuf Maxamuud Xiirane oo ka mid ah Odoyaasha dhaqanka degmadaasi Baladweyne ayaa ku tilmaamay waraaqahaasi digniinaha ah kuwa laga xumaado islamarkaana waxa uu ugu baaqay dadka arrintaasi ka dambeeyay inay ka waantoobaan.

Odoyaashu waxa ay maanta sheegeen inaysan wax baqdin ah ku abuuri doonin waraaqaha digniinaha ah ee xalay lagu daadiyay Magaalada Baladweyne gudaheeda.Laakin waxa baqdin waraaqahaasi ku abuureen dadka shacabka ah ee ku dhaqan Magaaladaasi.waxayna Dadka ku dhaqan Magaalada Beledweyne walaac badan ka muujinayaan cawaaqibka ka dhalan kara Digniinta loo jeediyay Odayaasha Dhaqanka Gobolka Hiiraan