Xubno ka socda Hay'adaha Q.m oo Dhuusa-mareen Tagey.

(Mogadishu, Thursday  ,27  March 2008,(Hornafrik Media)

Wefdi ka socda Hay'addaha Qaramada Midoobyay oo u kuur galaya xaalada abaaraha iyo tan bini’aadanimo ee ka jira gobolada dhexe ee Somalia ayaa shalay galinkii dambe gaaray Magaalada dhuusa-mareeb ee gobolka G/gaduud.

Wefdigaan oo ka kooban sadex xubnood ayaa kulamo la qaatay gudiga degmada iyo odey dhaqameedka kaasoo looga hadlayay dhibaatooyinka abaaruhu ku hayaan shacabka ku dhaqan guud ahaan gobolkaasi G/gaduud.

Gobolka G/gaduud waxa uu ka mid yahay meelaha ugu badan ay ku barakaceen dadkii ka cararay dagaalada ka soconaya caasimada Somalia ee Muqdisho.

Wefdigaan ka socda qaramada midoobay ee gaaray Dhuusa-mareeb ayaa maanta kulamo la yeelanaya ururada bulshada rayidka iyo qeybaha kala duwan ee bulshada ku dhaqan degmada dhuusa-mareeb.

Lama oga waxa ficil ahaan ay ugu soo kordhin karaan wefdigaani gobolka G/gaduud gaar ahaan deegaanada ay sida ba’an waxyeelada abaarta iyo biya l’aantu halakeeyeen.

Axmed Ciise Guutaale" Dhuusa-Mareeb