dibad bax looga soo horjeedo ciidamada itoobiya ee somalia jooga oo dalka mareykanka ka dhacay.

(Mogadishu, December 30, 2007 HornAfrik Media)

dibadbax looga soo horjeeday joogitaanka ciidamada itoobiya ee gudaha somalia gaar ahaan magaalada muqdisho ayaa ka dhacay magaalada Los angles ee gobolka Canafornina ee wadanka mareykanka.

banaanbaxaan oo ay ka soo qeyb galeen boqolaal soomaali ah ayaa lagu muujiyay sida ay u sii yaraanayso dulqaadka soomaalida halkaasi ku dhaqan ay ku ogolaanayaan sii joogitaanka ciidamada itoobiya ee somalia.

Cabdi Saciid Macalin oo ka mid ah jaalida soomaaliya ee gobolka calofornia ee wadanka maraykanka ayaa waxaa uu idaacada hornafrik u sheegay in banaanbaxooda ay ku soo bandhigeen sawiro muujinaya dacadiyada ciidamada itoobiya ay ka gaysanayaan dalka somalia gaar ahaan kuwii ay ka gaysteen caasimada magaalada muqdisho.

"waxaan qiyaasayaa in banaabaxaan ay ka soo qaybgaleen 500 dad kor u dhaafa kuwaas oo soomaali iyo dadka kael oo xamaasadeena soo raacay ah" ayuu yiri Cabdi Saciid.

ma ahan banaanbixii ugu horeeyay oo looga soo horjeedo ciidamada itoobiyaaka ee jooga dalka somalia waxaana banaanbaxyo kuwaan dhigay soomaalida ku nool dalalka caalamka.