(Mogadishu, Sunday ,11, February 2008,(Hornafrik Media).

 
Waxaa xalay magaalada Acra Ee dalkaasi Chana ahayd mid kacsan kadib markii Xulka Kubada Cagta ee Dalka Masar Oo ku guuleystay Koobka Qaramada Qaarada Afrika, kadib markii uu cayaartii Finalka uu ka awood sheegtay Xulka Cameroon.

 
Cayaar xiiso badan oo ka dhacday Garoonka Djen Stadiuom Ee Magaalada ACCRA ayay Labadan Xul ay isaga horyimaadeen, iyadoona qeybtii hore ee Cayaarta ku soo idlaatay goolal la'aan walow xulka masar uu aad ugu gacan sareeyay xulka ay iska soo horjeedeen.

 
Markii Qaybtii labaad Cayaarta la isugu soo laabtay oo ay labada dhinac wada tashiyo la soo sameeyeen Macalimiintooda ayay dar dar ku bilaabatay, waxaana Xulka Masar uu iska lumiyay Fursado qaali ah oo uu goolal kaga dhalin karay xulka Cameroon.

 
Laakiin markii ay daqiiqada mareysay 77-dii cayaartuna ka harsaneyd 13 daqiiqo, ayaa Kubada uu ku tartay Daafaca Da'da hareysay ee Reer Cameroon SONG, waxaana si xoog ah kaga qaatay Cayaaryahan Mohamed Zidan oo weerarka kaga cayaarayay Xulka Masar, wuxuuna u laaday Saaxibkiis Abou Tarika oo si xirfad leh u shabaqa ugu hubsatay Goolka Cameroon.

 
Xulka Masar oo ka cayaar wanaagsan Xulka Cameroon ayaa horay wareegii hore soo cayaaray, taasoona Masar ay guusha ku raacday 4 iyo 2, inkastoo xalay cayaarta aheyd mid kama dambeys ah oo cidii reysa hananeyso Koobka Quruxda Badan ayaa Cameroon ay cayaarta waxay ka bedeshay sidii awal loogaga badshay.
 
Guusha Masar waa Guul taariikhi ah, waxay Koobkan heysataa lix jeer, iyadoona labo jeer oo isku xigta qaaday sanadihii 2006-da iyo sanadkan 2008.
 
Tababaraha Xulkaas Xasan Shaxata ayaa noqday Tababarihii u qaada cayaarta Labo sano oo isku xigta, sidoo kale Kabtanka Xulkaas, Axmed Xasan ayaa markii 3aad la hantay Xulkiisa, kadib markii uu kula guuleystay Xulkiisa, sanadihii 98-dii, 2006-da iyo 2008-da.
 
Dalal badan oo carbeed oo ay Somalia kamid tahay ayaa si aad ah looga soo dhaweeyaya guusha taariikhda ah ee gaartay xulka masar qaas ahaan bahda sportiga oo aad ula socday arimaha cayaaraha qaarada afrika .
 
Dunida Muslimka ayaa aad looga soo dhoweeyay guusha taariikhiga ah ee ay gaartay Xulka Masar, gaar ahaan waxaa si weyn loogaga soo dhoweeyay Dalalka Carabta.
 
Dhanka kale Magalada qaahira ayaa waxaa laga dareemayaa farxad aad u sarayso aydoo Tageerayaasha reer Masar aad isugu soo baxeyn ayagoo sita Calamo iyo boorar ay ku qoranyihiin halku dhigyo ah Bye Bye Cameroon iyo kuwa kale oo dhowr ah.
 
Daawashadii Cayaarta oo ay goob joog ka ahaayeen Madaxda FIFA iyo CAF Sep Blatter iyo Guddoomiyaha xiriirka Kubada cagta ee qaarada afrika Ee CAF Isse Hayatu Iyo wasiirka Sportiga ee dalka Fransiiska waxaana xulka masar koobka gudoon siiyaya Sep Blatter .
 
Masar ayaa waxaa ay unoqonaysaa kii 6-aad ee kugeelaystaan waxaana ay horay ugu soo guulaysteen sanadihii 1957-1959-1986-1998-2006-2008-da oo xalay ugu dambeesay.
 
Xulka wadanka masar ayaa waxaa si aad ah loogu soo dhaweeyay magaalada Qaahira ee caasimada wadankooda waxaana garoonka diyaaradaha ee Qaahira ku soo dhaweeyaya madaxwaynaha dalkaasi Maxamed Xusni Mubaarak Iyo Afadiisa Zuzana iyo mas,uuliyiin katirtsan xirrirka kubada cagta ee dalkaasi masar.
 
Tartankaani waxaa lasoo bilaabay 20-janaury Ee sanadaani 2008-da waxaana lasoo gaba gabeeyay habenkii isniinta oo ay taariikhdu kubeegantahay 10-February waxaana kaqayb galay ilaa iyo 16-dal oo ahaa kuwii ugu awooda badnaa qaarada afrika waana mids kamid ah tartamadii ugu xiisaha badnaa tan iyo intii lasoo bilaabay tartankaasi .
 
Hadaba waxaa ay kaalmaha ugala galeen sidan.
1-kaalinta koowaad waxaa galay Masar oo koobka lahooyatay.
 
2-xulka Cameroon.
 
3-xulka Chana oo marti loo ahaa walow ay abaal marino kale duwan heleen.
 
4-xulka Ivory Coast.oo qiimeen kahelay Caf xiriirka kubada cagta ee qaarada afrika.
 
Sanada 2010-ka waxaa lagu qaban doonaa wadanka Anchola.hadii uu alle idmo.
C/laahi Xassan Baliil
Baliilkhan10@hotmail.com