Xoogaga Al shabaab oo xalay gudaha u galay degmada Qansax-dheere.

(Muqdisho,khamiis,24,Julaay,2008,(Hornafrik Media)

Xoogaga hubeysan ee Al shabaab oo xalay gudaha u galay degmada Qansax-dheere ee gobolka Bay ayaa la sheegay in halkaasi ay ka bilaabeen howlgalo lagu sugayo ammaanka.

Maamulkii dowladda KMG ah ee degmada qansax dheere ayaa maalmo ka hor is casilay waxana gudaha u galay degmadaas qaar ka mid ah xoogaga Al shabaab oo muddooyinkan dambe dhaqdhaqaaqyo ciidan ka waday qeybo badan oo ka mid ah degmooyinka gobolada Baay iyo Bakool.

Wali wax war ah kama aysan soo bixin saraakiisha Al shabab ee sida nabada ah kula wareegay degmada qansaxdheere laakin waxa wararku sheegayaan inay xoogagaasi la kulmi doonaan odoyaasha dhaqanka degmadaasi.

Degmada Qansax-dheere waxa ay 90KM u jirta Magaalada Baydhabo ee xarunta Gobolka Baay iyadoo Baydhabo ay xarun u tahay hada Baarlamaanka Soomaaliya.