Shirkii golaha dhexe ee isbahaysiga dib u xoreynta dalka Soomaaliya ayaa maanta ka furmay magaalada Jabuuti halkaasoo khudbad ku aadan wadahadaladii Magaalada sanca ee dalkaasi Yeman uu ka Jeediyay Guddoomiyaha  Gudiga fulinta sheikh shariif sheikh Axmed.

Shirkan oo saakay ka furmay Magaalada jabuuti waxa ka soo qeyb galay Mas’uuliyiin isagu jira beesha calamka iyo dowladda Jabuuti iyadoo afhayeenka isbahaysiga Suleeymaan Colaad Rooble uu HornAfrik u sheegay in kolamka shirka uu buuxsaday sidaasina uu ku furmay shirku.

Mr Suleeymaan waxa uu sheegay kulanka ay soo xaadireen ilaa 106 xubnood iyadoo tirada shirkaasi uu ku furmi karay ay tahay 96 xubnood wuuxa xusay in ilaa labo jeer oo hore uu shirka dib u dhac u yimid sababo la xariira Kolamka oo Buux sami waayay.

Furitaankii Shirka  waxaa ka hadlay Guddoomiyaha Isbaheysiga Dib u xoreynta Soomaaliya Shiikh Shariif Axmed oo Xubnaha Golaha uga warbixiyay waxyaabihii looga hadlay shir ay Dalka Yemen ku yeesheen qaar ka mid ah Xubnaha Maxkamadaha Islaamka ugu jira Isbaheysiga Dib u xoreynta Soomaaliya.