Ganacsade lagu xiray Magaalada Hargeysa.

(Mogadishu,Axad,20,July, 2008,(Hornafrik Media)

Ciidamada Booliska ayaa magaalada Hargeysa, ku xiray Guddoomiyaha Guddida Ganacsatada Xoolaha, Mr. Cabdillaahi Maxamed Cabdiraxmaan, .

Wararku waxa ay sheegayaan in Ciidamada Booliska ay doon doonayaan inay soo qab taan oo ay xiraan xubno kale oo ganacsato ah.waxana Guddoomiyaha Gudida Ganacsatada Xalay  fiidkii laga qabtay Hotel uu kusugnaa oo ku yaalla xaafadda New Hargeysa iyadoo loo kaxeeyay xabsiga Magaaladaasi.

Xarriga ganacsadahaan ayaa la sheegay inuu salka ku hayo khilaaf soo kala dhexgalay xukuumada Soomaaliland iyo gudiga ganacsatada kaasoo la xariira qandaraas horey Dowladdu ula soo gashay maalqabeen u dhashay sacuudiga oo la yiraahdo Al Jaabiri.

Guddoomiyaha Guddida  ganacsatada eek la xiray C/laahi Maxamed Cabdiraxmaan ayaa  la kulmay Daahir Riyaale, waxana uu u dhiibey codsi uu ku weydiisanayo ganacsatada inay dulqaataan 5 bilood oo uu u cusboonaysiiyey Al Jaabiri in xoolaha ariga la dhoofiyo, taas oo ganacsatadu ku gacan seyreen.

Ganacsatada xoolaha soomaaliland oo walaac ka muujinayay heshiiskaas tan iyo markii xukuumadda Somaliland la gashayMaal qabeenkaas  bilihii u dambeeyey 2006, ayaa dhowaan bilaabay dhaqdhaqaaq ay isku urursanayaan, si ay ugu khasbaan xukuumadda in ay ka noqoto heshiiskaas. Waxayna cuslays ku saareen in loo ogolaado 7,000 oo neef oo ka madax bannaan Al Jaabiri inay ka dhoofiyaan dekedda Berbera 15 July, isla markaana Daahir Riyaale iyo Al Jaabiri ay dib ugu noqdaan heshiiskoodii hore.