Maalin xasuus u ah Bahda saxaafadda gaar ahaan Idaacada HornAfrik.

(Mogadishu, Thursday, 5,June, 2008,(Hornafrik Media)

Maanta oo ah 5-06—2008 dhamaan shaqaalaha shirka warbaahinta HornAfrik iyo Idaacada Codka Caasimada (Kapital Voice waxa ay xasuusteen geeridii naxdinta lahayd ee ku timid wariye Duniyo Muxudiin Nuur oo u geeriyootay rasaas nin hubeysan uu ku furay xili ay howlaheeda suxufinimo ku guda jirtay.

Shaqaalaha shirka hornAfrik iyo idaacada Codka caasimada ayaa si aad ah ugu tiiraanyooday Marxuumad Duniya iyagoo sheegay in door muhiim ah ay ka qaadanaysay xiligii ay ku dhex jirtay saxaafada.

Dadweyne aad u badan oo qadadka teleefoonada kula soo xariirayay idaacada Kapital Voice oo ku mataansan idaacada HornAfrik ayaa dhamaantood sheegay inay aad uga naxeen markii ay maqleen geerida duniya waxayna sheegeen in lagu yaqaanay fir fircnooni iyo inay ka turjunto dhibaatada danyarta soomaaliyeed waxayna ilaahay uga baryeen in janadii fardowsa uu ka waraabiyo.

Ilaahow u naxariis Janno sii Duniyo Muxudiin Cali samir iyo iimana ka sii heladii iyo qaraabadii ay ka baxday gaar ahaan Bahda HornAfrik.

Howlwadeena Idaacada iyo TV-ga HornAfrik ayaa sheegay inay sii wadayaan xasuusta walaalahood ku geeriyooday dhibaatooyinka ka dhacay dalka soomaaliya gaar ahaan Magaalada Muqdisho iyagoona xasuusan doona geeridii mid ka mid ahaa Mikiilayaashii Idaacada HornAfrik Cali Imaan Sharnmaar’arke iyo Wariye Mahad Axmed Cilmi oo 11 bishii agoosto sanadkii 2007-da lagu dilay Magaalada Muqdisho.INAA LILAAHI WAA INAA ILAAHI RAAJACUUN.Samir iyo Iimaan Ilaahay hanaga wada siiyo.suxufiyiintii soomaaliyeed ee geeriyootay.