HornAfrik


	Dhaqdhaqaaqii ganacsiga wadada koowaad ee suuqa bakaaraha oo hakad kujira. (Mogadishu, Monday ,11 February 2008,(Hornafrik Media). Inta badan goobaha ganacsiga ee ku yaala nawaaxiga shirkadaha is gaarsiinta ayaa irdaha isagu laaban saaka kadib markii shalay galinkii dambe ay halkaasi iska hor imaad uu ku dhexmaray ciidamada dowladda kmg ah ee kusugan isgoyska H/wadaag iyo kooxo hubeysan oo ka soo horjeeda,iyadoo saaka meydka qof rayid ah laga soo bixiyay goobtiisa ganacsiga oo ku taala agagaarka shirkadaha isgaarsiinta. Dagaalkii shalay ayaa waxa ku dhaawacmay inta la ogyahay sadex ruux oo rayid ah waxana la ogeyn qasaaraha soo kala gaaray ciidamada dowladda kmg ah iyo kooxaha weerarka ku qaaday. Saaka ayaa la sheegay in qof meyd ah laga helay agagaarka shirkada is gaarsiinta Hormuud oo ku taala wadada koowad. Xabado goos goos ah oo ay ridayaan ciidamada dowladda ee fariisinka ku leh isgoyska H/wadaag ayaa la sheegayaa in dhaawacyo ay gaarsiisay goobo ganacsi iyo dad rayid ah. Horey ayaa waxa u xirmay dhaqdhaqaaqa guud ee wadada labaad ee suuqa Bakaaraha kadib markii ciidamo katirsan dowladda ay fariisin ka dhigteen isgoyska Aadan Cade Saameyn xoog leh ayay ku yeelan kartaa howlaha ganacsiga suuqa Bakaaraha sii xirnaanshaha wadadaan koowaad. Dagaal qasaare dhaliyay oo ka dhacay isgoyska H/wadaag ee magaaladatani Muqdisho. (Mogadishu, Sunday ,10, February 2008,(Hornafrik Media). Inta la ogyahay hal qof oo rayida ayaa dhaawac uu ka soo gaaray iska horimaad galinkii dambe ee galabta ka dhacay isgoyska Howl-wadaag ee gobolkani Banaadir. Qofkaasi dhawacmay ayaa ahaa wiil yar oo muruq maal danyara oo caseeye ahaa kaasi oo madfac uu ku duldagay xili uu watay howshiisa. Wiilkaasi oo madfacu uu ku haleelay bartamaha wadada 1aad ee suuqa dhanka ganacsiga ugu weyn caasimada Somalia ee Bakaaraha ayaa dhaawiciisa loola degdegay isbitaalada Muqdisho si loo samatabixiyo. dagaalkan oo si wayn u gil gilay suuqa Bakaaraha ayaan la ogeyn qasaaraha uu gaystay waxana madaafiic dhowr ah ay ku soo dhaceen suuqa kuwaas oo la sheegayo in dhaawacyo aan cadadkooda la sheegin ay gaysteen. ilaa dhowr madfac oo ku dhacay agagaarka shirkadaha isgaarsiinta Telecom iyo Tawakal ayaa gaystay qasaare Burbur hantiyeed ah iyadoo qaar ka mid ah gaadiidka dadweynaha ay halkaasi ku bas beeleen. wixii ku soo kordha kala soco wararkeena dambe.
	wararkii Hore