Madaxii Hay’adda CRD Oo Lagu Dilay Magaalada Baladweyne

(Mogadishu, Sunday ,22,June, 2008,(Hornafrik Media)

Kooxo Hubeysan ayaa galabtay ku dilay Magaalada Baladweyne ee xarunta Gobolka Hiiraan  Madaxii hay’adda CRD ee Gobola Dhexe Alle U naxariistee Egn:Kullane.iyadoo 24 saac gudahood Baladweyne lagu dilay sadex qof oo si wayn looga yaqaanay Gobolkaasi.

Galinkii dambe ee galabta ayaa kooxo aan la garanaynin waxa ay toogasho ku dileen Madaxii Hay’adda Xarunta Cilmi Baarista iyo wada tashiga CRD ee Gobolada Dhexe. Maxamed Xasan Kullane,xili uu kusugnaa meel aan ka dheereyn hoygiisa oo kuyaala Magaalada Baladweyne.

Eng. Max'ed Xasan kulmiye oo siweyn looga yiqiinay Gobalka Hiiraan iyo guud ahaan Gobalada dhexe Soomaaliya waxaa markii uu dalka dhacay kadib isugu soo baxay guriga uu degan yahay dad weyne aad u faro badan oo ka tiiraanyeeysnaa dhimashadiisa islamarkaana hadala hayay dadaaladiisii dhinaca Nabada waqtigii uu noolaa.

Kooxaha dilkaan u gaystay Eng. Max'ed Xasan kulmiye ayaa sidoo kale Buutada-Liqliqato ee Xaafada Howl-wadaag horay ugu sii toogtay wiil dhaliyaro ah oo sida la sheegay ay ka shakiyeen.

Dadka ku dhaqan degmada Baladweyne ayaa si xun uga tiiraanyooday dilalka qorsheysan ee is dabajooga ah ee ka dhacaya Magaalada Baladweyne kuwaas oo lagu hayo dadka wax tarka u leh bulshada rayidka ah.

Wararka la xariira warkan

Askari ka tirsanaa Ciidamadii xooga Dalka oo Baladweyne lagu Dilay.

Askari ka tirsanaa ciidamada xooga dalka Soomaaliyeed ayaa maanta lagu dilay Magaalada Baladweyne ee Gobolka Hiiraan.

Alle Ha u Naxariistee askarigaan ka tirsanan jiray Ciidamada xiiga dalka soomaaliyeed ayaa magaciisa lagu sheegay Xasan,waxana kooxaha dilay ay ku hubeysanaayeen Bastoolado.

Dilkaan ayaa ka dhacay maanta xaafada H/wadaag ee Magaalada Baladweyne ee gobolka Hiiraan.

Lama oga sababta ka dambeysa dilkaasi,hase ahaatee waxa sidoo kale xalay fal nuucaan Magaalada Baladweyne loogu dilay nin dhalinyaro ah oo la sheegay in ciidamada Itoobiya uu Turjumaan u ahaa.