Baarlamaanka Soomaaliya oo cambaareeyay dilalka shaqaalaha Hay’addaha Samafalka.

(Muqdisho,Arbaco,23,Julaay,2008,(Hornafrik Media)

shirka golaha baarlamaanka Soomaaliya oo uu shir guddoomiyanay guddoomiye kuxigeenka koowaad ee Baarlamaanka Prof: Maxamed Cumar Dalxa waxa lagu sheegay in baarlamaanku ka xun yahay dhibaatada lagu hayo shaqaalaha Hay’addaha samafalka ee Soomaaliya ka howlgala xiligaan adag.

Baarlamaanka ayaa sheegay in falalka lagu ugu gaarsanayo shaqaalaha Hay’addaha gargaarka ay keenin karaan inay istaagaan gurmadka loogu jiro in la caawiyo dadka soomaaliyeed ee dhibaatadu daashatay  ku dhawaad 18 sano.

Prof Dalxa waxaa uu sheegay in shacabka Soomaaliyeed ay meel kaga soo wada jeestaan dadka dhibaatada ku haya shaqaalaha Hay’addaha gargaarka.

Hadalka maanta ka soo baxay Baarlamaanka Soomaaliya waxa uu ku soo beegmay xili wali ay gacanta afduubayaasha ku jiraan qaar ka mid ah shaqaalaha Hay’addaha samafalka kuwaas oo aan la gareynin sababta iyo meesha lagu hayo.