Dad ku geeriyooday dagaal ka dhacay gobolada hiiraan iyo sh/dhexe.

(Mogadishu, Wednesday ,12 March 2008,(Hornafrik Media)

Ugu yaraan lix ruux ayaa ku geeriyootay tiro intaa kabadana waa ay ku dhaawacmeen iska horimaadyo ka soo cusboobnaaday deegaano ka mid ah gobolada sh/dhexe, Hiiraan,sh.hoose .

Dilka dadkan ayaa la sheegay in ay ka dambaysay kadib markii uu ka soo cusboonaaday deegaanadaasi falal aargoosi ah oo hore uga jirey halkaasi.

Muddo ku siman labo maalmood ayaa si kala gaar gaar ah la sheegay in loogu kala diley deegaankaasi dad tiradoodu lagu sheegay inay gaarayaan ilaa lix ruux halka tiro kalana ay ku dhaawacmeen,

Nabadoon Xasan Qaasin Qeyley oo ka mid ah oday dhaqameedyo ku howlan sidii xal loogu heli lahaa colaadan ayaa sheegay inay ku dhowaaqeen xabad joojin dhaqan galaysay maanta.

Waxana uu nabadoonku sheegay in ay isticmaalayeen maanta ilaa labaatameeyo fooneeyaha halowhalowga maadaama aan isgaarsiinta taleefanka laga heli karin halkaasi.

Deegaanada ay colaadani saameysey ayaa la sheegay in dad badani ay ka carareen guryahoodii islamarkaana ku barakaceen is ugaasi u dhexeeya labo beel oo walaalo ah oo halkaasi ku wada nool.

Dhamaadkii sanadkii aynu ka soo gudubnay ayaa dilal ku salaysan aargoosi qabiil ooka dhacay isla deegaanada haatan ay ka jiraan coladan waxaa ku dhintey dad ka badan labaatameeyo ruux.hase yeeshee dadaalo badan oo ay sameeyeen odaydhaqameedyo ka soo jeeda deegaankasi ayaa lagu guuleystey in la dhex dhigo labada beelood oo walaalaha ah ee colaadani dhex martay.

Dilalka ka soo cusboonaaday deegaanadan ayaa la sheegay inay ku soo beegantay xilli uu jiilaal adagi halkaa ka jiro isla markaana biyaha iyo baadka dadka iyo xooluhuba ay ku yar yihiin .