Ciidamada Maamulka Hiiraan oo dad ka qan qabtay deegaano ka mid ah goolkaasi.

(Mogadishu, Thursday  ,27 March 2008,(Hornafrik Media)

Ciidamo ka tirsan maamulka gobolka Hiiraan oo maanta soo gaaray degmada Halgan oo ka tirsan gobolkaasi ayaa howlgalo dad ay ku soo qab qabteen ka sameeyay halkaasi.

Ciidamadaan oo saaka soo gaaray degmada halgan islamarkaana ka soo baxay Magaalada B/wayne ee xarunta gobolkaasi hiiraan ayaa markii ay magaalada soo gaelen waxa ay sameeyeen howlgalo balaaran oo ay ku galeen xaafadaha degmada Halgan.

Labo nin oo ka mid ah dadka deegaanka ayaa la sheegay in ciidamadaasi ay gacanta ku dhigeen oo ay wateen waxana lagu eedeyay ragaasi inay ka soo horjeedaan siyaasada maamulka gobolka hiiraan iyo kan dowladda kmg ah ee Somalia.

Sidoo kale Ciidamadaasi ayaa tagay deegaan la yiraahdo ceel dheere oo ana ka fogeyn degmada Halgan halkaasoo la sheegay inay kusugnaayeen kooxo hubeysan  sida uu xaqiijiyay taliyaha qeybta daraawiishta maaulka gobolka hiiraan Tawalle Axmed Burubay oo isagu ciidamadaasi horkacayay.

Waxa u sheegay taliyhu in ay gacanta ku dhigeen hanti uu sheegay in kooxaha ka soo horjeeda ay ka carareen sida uu hadalka u dhigay.

Ciidamadaasi ayaa waxa la socda guddoomiyaha gobolka Hiiraan Yusuf axmed Hagar dabageed waxana la sheegay in qeybo ka mid ah meelihii ay saaka soo galeen ay wali joogaan.